Félag háskólakennara

Aðalfundur Félags háskólakennara verður haldinn

miðvikudaginn 23. maí 2012 á Háskólatorgi, stofu 101, frá kl. 16 - 18.

Léttar veitingar verða á fundinum.

Dagskrá:

1. Lögð fram ársskýrsla stjórnar.


2. Lagðir fram endurskoðaðir reikningar félagsins.


3. Ákveðið árgjald, sbr. 7. grein laga félagsins og 3. grein reglna kjaradeilusjóðs.


4. Tillögur um lagabreytingar.


5. Kosin stjórn, sbr. 9. grein.


6. Kosnir tveir skoðunarmenn reikinga.


7. Kosin samninganefnd, sbr. 10. grein.


8. Önnur mál.

Árgjald:

Stjórn Félags háskólakennara leggur til að félagsgjöldin verði óbrett eða 0,7% af dagvinnulaunum.

Tillögur til lagabreytingar:

Stjórn félagsins leggur til að 9. grein verði:

"Stjórn félagsins skal skipuð sjö mönnum, formanni, varaformanni, ritara, gjaldkera og þremur meðstjórnendum, sem kjörnir eru skriflega, ef þess er óskað.  formann skal kjósa sérstaklega, en að öður leyti skiptir stjórnin með sér verkum.  Stjórnarkjöri skal haga þannig, að árlega sé kosinn formaður og þrír stjórnarmenn.  Er formaður kjörinn til eins árs, en stjórnarmenn til tveggja ára.

Á aðalfundi skal kjósa þriggja manna kjörnefnd, sem starfar til loka næsta aðalfundar.  Tilkynningar um framboð til stjórnar skulu berast kjörnefnd eigi síðar en 2 vikum fyrir aðalfund.  Hafi eigi borist næg framboð skal kjörnefnd hlutast til um að afla nauðsynlegs fjölda framboða.  Framboð til stjórnar sem kosið er um á aðalfundi skal birtast með fundarboði aðalfundar."

Stjórn félagsins leggur til að ný 12. grein verði:

"Sjóði félagsins skal ávaxta á sem hagfelldastan hátt, í banka eða ríkistryggðum skuldabréfum.  Til að greiða út af vaxtareikningum félagsins skal stjórn félagsins samþykkja það með atkvæðum stjórnarformanns og tveggja annarra stjórnarmanna.  Ef greiða á upphæð umfram tvær milljónir (mv. verðlag í maí 2012) skal kalla saman félagsfund og tilkynna fundarefni.  Fundargerð skal fylgja hverri úttekt umfram eina milljón. Bankareikninga skal binda með áðurgreindum úttektarskilyrðum."

Lög félagsins eru hér:

Lög kjaradeilusjóðs eru hér:

Önnur mál:

Baldvin M. Zarioh deildarstjóri á vísindasviði HÍ mun vera með kynningu á matskerfi opinberra háskóla undir yfirskriftinni "Kynning á matskerfi opinberra háskóla og áhrif stigamatsins á starf í HÍ"

 Launataflan hækkar um 3,5% frá 1. mars 2012.  Nýja launatöflu ársins 2012 er hægt að nálgast hér til vinstri undir liðnum "kaup og kjör".

Orlofsuppbót sem greidd er út 1. júní 2012, er kr. 27.800, miðað við fullt starf.

Frá 1. júlí 2012 breytist gr. 10.1.1 um endurmenntun þeirra sem ekki eru akademískt ráðnir og verður svona:

„ Starfsmaður sem unnið hefur í fjögur ár hjá sömu stofnun á rétt á leyfi til að stunda endurmenntun/framhaldsnám enda sé það í samræmi við endurmenntunar/starfsþróunaráætlun viðkomandi stofnunar eða starfsmanns sé hún til staðar.  Í leyfinu skal starfsmaður halda reglubundnum launum.“

Til sjóðfélaga Orlofssjóðs BHM.

Sunnudaginn 1. apríl nk. (kl. 24)rennur út fresturinn til að sækja um sumarhúsin sem í boði eru innanlands í sumar fyrir tímabilið frá 15. júní til og með 24. ágúst. 

Umsóknir eru sendar inn með rafrænum hætti á Bókunarvefnum. Umsóknarformið er á bókunarvefnum undir "umsóknir og úthlutanir" , þar eru einnig leiðbeiningar um það hvernig sótt er um.

Niðurstöður ættu að liggja fyrir vonandi 3. apríl og verða sendar í tölvupósti á það netfang sem sett er í netfangareitinn við innskráninguna inn á bókunarvefinn.

Athugið að nú þarf að nota veflykil og kennitölu til að komast inn á bókunarvefinn.

Lýsingar á því sem í boði er á vegum sjóðsins í sumar er hægt að skoða í Orlofsblaðinu 2012.

Samkvæmt kjarasamningum skal greiða desemberuppbót 1. desember ár hvert, upphæð miðast við fullt starf á árinu.

Desemberuppbót ársins 2011 er kr. 48.800 + kr. 15.000 sérstakt álag.

Starfsmaður sem er við störf í fyrstu viku nóvembermánaðar skal fá greidda persónuuppbót 1. desember ár hvert miðað við fullt starf tímabilið 1. janúar til 31. október. Persónuuppbót er föst krónutala og tekur ekki hækkunum samkvæmt öðrum ákvæðum kjarasamningsins. Á uppbótina reiknast ekki orlofsfé. Hafi starfsmaður gegnt hlutastarfi eða unnið hluta úr ári, skal hann fá greitt miðað við starfshlutfall á framangreindu tímabili.

Á sama hátt skal einnig starfsmaður sem látið hefur af starfi en starfað hefur samfellt í a.m.k. 3 mánuði (13 vikur) á árinu, fá greidda uppbót í desember miðað við starfstíma og starfshlutfall. Sama gildir þótt starfsmaður sé frá störfum vegna veikinda eftir að greiðsluskyldu stofnunar lýkur eða í allt að 6 mánuði vegna fæðingarorlofs.

Sjóðfélagar í Styrktarsjóði BHM athugið!
 
Til að hægt sé að greiða styrki út á þessu almanaksári, verða umsóknir og gögn vegna þeirra  að hafa skilað sér eða verið póstlögð í síðasta lagi þann 9. desember næstkomandi. Sama gildir um gögn vegna umsókna sem þegar hafa borist.
 
Sótt er um á:   http://www.bhm.is/umsoknir/rafraenar-umsoknir/
 
Styrkumsóknir eru afgreiddar einu sinni í mánuði.
Umsóknir og fullnægjandi gögn sem berast í síðasta lagi 9. eru greiddar út 24.-26. sama mánaðar. 

Reglur sjóðsins á íslensku eru hér:
Reglur sjóðsins á ensku eru hér:

 Ályktun miðstjórnar BHM þann 17. ágúst 2011.

Bandalag háskólamanna (BHM) krefst þess að gengið verði frá kjarasamningum við þau stéttarfélög sem enn eru með lausa samninga. 

Helstu atriði kjarasamningsins: